សេចក្តីជូនដំណឹង ស្តីពី ការបន្តអនុវត្តផែនការយុទ្ធសាស្ត្រគណនេយ្យភាពសង្គមនៅថ្នាក់ក្រុង ស្រុក ខណ្ឌគោលដៅ នៃការផ្តល់សេវា (រដ្ឋបាលឃុំ រដ្ឋបាលសង្កាត់ សាលាបឋមសិក្សា និងការផ្តល់សេវានៅមណ្ឌលសុខភាព) និងផែនការអនុវត្តគណនេយ្យភាពសង្គម ដំណាក់កាលទី២ នៅថ្នាក់រដ្ឋបាលក្រុង រដ្ឋបាលស្រុក និងរដ្ឋបាលខណ្ឌនៃរាជធានី ខេត្ត
នៅថ្ងៃទី២២ ខែមេសា ឆ្នាំ២០២០ គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) បានចេញសេចក្តីជូនដំណឹង ស្តីពី ការបន្តអនុវត្តផែនការយុទ្ធសាស្ត្រគណនេយ្យភាពសង្គមនៅថ្នាក់ក្រុង ស្រុក ខណ្ឌគោលដៅ នៃការផ្តល់សេវា (រដ្ឋបាលឃុំ រដ្ឋបាលសង្កាត់ សាលាបឋមសិក្សា និងការផ្តល់សេវានៅមណ្ឌលសុខភាព) និងផែនការអនុវត្តគណនេយ្យភាពសង្គម ដំណាក់កាលទី២ នៅថ្នាក់រដ្ឋបាលក្រុង រដ្ឋបាលស្រុក និងរដ្ឋបាលខណ្ឌនៃរាជធានី ខេត្ត។ ផែនការយុទ្ធសាស្ត្រគណនេយ្យភាពសង្គមនេះ មាន គោលបំណង គឺដើម្បីផ្តល់សិទ្ធិអំណាចដល់ប្រជាពលរដ្ឋ ក្នុងការចូលរួមពង្រឹងការចាត់ចែង ការប្រើប្រាស់ថវិកា និងការផ្តល់សេវាសាធារណៈនៅថ្នាក់ក្រោមជាតិប្រកបដោយគុណភាព ប្រសិទ្ធភាព ស័ក្តិសិទ្ធភាពតាមរយៈការលើកកម្ពស់នូវភាពងាយទទួលបានព័ត៌មាននានា និងការចូលរួមពិនិត្យតាមដានលើការបំពេញតួនាទី ភារកិច្ច និងការងារថវិការបស់រដ្ឋបាលថ្នាក់ក្រោមជាតិ។ ការអនុវត្តផែនការអនុវត្តគណនេយ្យភាពសង្គម (ផ.អ.គ.ស) ដំណាក់កាលទី២ (២០១៩-២០២៣) នឹងត្រូវពង្រីកការអនុវត្តគ្របដណ្ដប់នៅក្នុងរដ្ឋបាលក្រុង ស្រុក ខណ្ឌទូទាំងប្រទេស។
គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ
